أتنين متزوجين قرروا يروحوا يصيفوا على البحر
وبنفس الفندق يللي أضوا فيه شهر العسل من عشرين سنة
بس الزوجة صار عندها شغل
وما قدرت تروح مع زوجها و قررت تلحقه بعد عدة أيام
وصل الزوج للفندق
وكان عم يوضب غراضة بالغرفة
وبيتفاجأ بكومبيوتر محطوط عالطاولة
وفيه خط أنترنت
فخطرتله فكرة أنو يبعت إيميل لمرته يفاجأها فيه
ولما كان عم يكتب العنوان
أخطأ بحرف وأرسل الإيميل لغير شخص
وصل لوحدة أرملة كانت راجعة من دفن زوجها
ولما كانت عم تفتح أيميلها
قرأت الأيميل المبعوت من الرجال
و أغمي عليها (الأرملة) فورا
ودخل أبنها عالغرفة وشاف أمه عالأرض لا من تما ولا من كما
والأبن اتطلع عالشاشه وكان مايلي
زوجتي العزيزة
وصلت بخير
يمكن عم تتفاجئي لأنك عم تسمعي أخباري عن طريق الأنترنت
بس هلأ صار عندون كومبيوترات هون
وبيقدرالواحد يبعت أخباره للأحباب
ما صرلي زمان واصل
واتأكدت أنو كل شي يكون مجهز لوقت وصولك لعندي الجمعة الجاية
أشتأتلك كتيييييييييير .... ومتشوق لشوفك
وبتمنى تكون رحلتك مريحة
متل ماكنت رحلتي
ملاحظة : لا تجيبي معك كتيير أواعي لأنو كتيير شوب - جهنم
لا تتأخري
